 |
 |
 |
|
|
|
 |
العشرين |
 |
8 سبتمبر 2007 |
|
 |
اوقات أفوق و يحل عني غبـــــــــــايـا
واشعر كأني فهمت كل الخبـايــــــــــا
و افتح شفايفي علشـــــان اقول الـدرر
ما أقولش غير حبة غزل في الصبايـــا |
 |
|
|
 |
 |
|
|
|
- بعد نزول الفيلم العبقري - واستغفر الله
علي كلمة فيلم - "مجانين نص كم" خرج علينا احد أبطال هذه اللعنة السينمائية
النجم العمدة بصراحة مش عارف ده أسمة ولا مهنته عموما خرج عمنا ده وبعبع
بشوية كلام عن الفساد الذي طال هذا العمل فقال "يبقي مين تامر عبد المنعم
ده عشان يبقي البطل وهو عمل أية في حياته عشان يتقال عليه ممثل - علي أساس
أن اللي بيتكلم يبقي ابن عم زكي رستم - ومين دينا دي مجرد رقاصة والفيلم
كله ميلزمنيش وأنا مستفدش بحاجة منه غير صداقة منة فضالي - ودة لأنة مقابلش
حد في الفيلم غيرها - المهم قعد يهفلط بكلام كتير ملوش لزمه" وكأنه اشترك
في الفيلم لرفع مستوي التعليم في مصر ونسي انه حتة مغني تشمئز لسماعه حتى
ولو في المكروباص ويكفي أخر أبدعاته "ادحرج واجري يا رمان وتعالا علي حجري"
ومن قبلها "العيال مين هيشيلهم مين يغير كوافيلهم" .. فتقديرا لجهود هذا
الرجل وأسف جدا علي الخطاء ده إلا أننا بنناشد السادة المسئولين بأنهم
يصرفوا للأخ العمدة كفولتين حتى يستطيع أرضاع العيال ,وبالنسبة لكلامه علي
تامر عبد المنعم ودينا فحقيقي ليس علي المحشش حرج.
- من احد النوادر اللي قابلتها في الكام يوم اللي فاتو واللي مازلت غير
متخيلها .. ففي يوم من الأيام وأنا في الشارع وبستقل المواصلة المفضلة لدي
وهي المكروباص من رمسيس لقيت واحد حسيت أني قابلته قبل كده وهو باصصلي علي
انه شافني قبل كده المهم قعدت أفكر لغاية ما افتكرت أني شفته في احد العروض
الخاصة ومع التقليب في الذاكرة اكتر اكتشفت أن الشخص ده هو منتج احد
الأفلام اللي نزلت أخيرا في السينما طبعا محدش هيصدق منتج ويركب ميكروباص
لكن لسبب بسيط وهو سقوط الفيلم بدرجة فظيعة وهو انه حتى معرفش يلم تمن
تصوير الأفيش .. هو دة حال الدنيا زي الخيارة مرة في ايدك ومرة في ....
- أميرة العايدي رافعة قضية علي منتج فيلم "مجانين نص كم" تطالبه فيها بنص
مليون جنية تعويض عن الأضرار الأدبية اللي سببهالها لعدم تنفيذه بنود العقد
المبرم ما بينهم فيما ينص علي وجود اسمها بعد "تامر عبد المنعم" و"دينا"
لكن اللي حصل أن اسمها جيه الخامس .. ال يعني هي دي المشكلة وهو دة سبب فشل
الفيلم ومش دورها اللي متعرفش هو بدا أمتي وخلص أزاي لا وأية بتقول أزاي
ابقي بطلة أولى في فيلم "صباحو كدب" وهنا يبقي اسمي الخامس .. تحس وهي
بتتكلم علي أن الفيلم دة أخد الأوسكار .. عموما ربنا ينصرك علي أعدائك
وتكسبي القضية بس موضوع النص مليون دة موعدكيش تقبضيهم غير بعد تلاتين سنة
.. ويا عيني ع الراجل شكله كده المرة الجاية هلاقية شغال التباع ع
المكروباص مش راكب عادي.
- من احد المواقف السابقة لهذه الفنانة العبقرية من وقت قريب في برنامج "لا
تذهب هذا المساء" اللي بيذاع علي "Art" أفلام وبيعرض احدث الأفلام علي
القناة وبعدها ندوة بيحضرها الأبطال يتكلموا ع الفيلم فكان "غاوي حب" ولما
أتكلمت عنه قالت "أنا اشتغلت في الفيلم ده بس عشان ادخل عالم السينما ..
لكن أنا مش مقتنعة بالدور لأنة كلمتين" .. طب لو كان دة عشان أول دور اللي
بعد كده تفسريه بأية يا فنانه مع أن فعلا ظهورك في غاوي حب كان أشبة بضيف
الشرف الا أني اعتقد انه أفضل فيلم شاركتي فيه ..
نصيحة مني يا فنانه .. أدوارك في التليفزيون تشهدلك بالموهبة لكن السينما
في رصيدك تبقي صفر علي الشمال فياريت تركزي اكتر في اختياراتك وتستغلي
الموهبة صح.
- في محاولة لجلب معلومات عن إيرادات أفلام موسم الصيف الحمد لله فشلت كلها
وده بسبب التكتم التام بين شركات التوزيع .. أل يعني هي أسرار عسكرية ولا
يمكن خايفين من الشماتة في بعض أو الحسد .. فكرت في الاعتماد علي الجهود
الذاتية في حصد وحساب الإيرادات وده عن طريق تجنيد فريق المحررين بنحلم في
جميع سينمات مصر خاصة عند شباك التذاكر ونعد تذكره تذكره طبعا بمساعدة اللي
يحب من قراءنا والجماهير المصرية .. أنا عارف أن الموضوع هيبقي صعب حبتين
ومحتاج مجهود فظيع تلت حبات بس الدارسة بتقول أننا ممكن في خلال خمس سنين
من بداية تنفيذ الخطة دي ممكن نوصل لحصيلة إيرادات احد أفلام هذا الموسم
بأحد سينمات وسط البلد .. ساعتها يكون الفيلم نزل فيديو وتليفزيون لا
وهاتكون مصر كلها حفظته ..
ربع لاسع
رمضان كلها كام يوم ويشرفنا من جديد طبعا كل سنة وانتم طيبين لتاني مرة في
العدد ده ويا رب يجعله شهر خير وسعادة علي كل الناس والأمة الإسلامية.
وربنا يستر علي تلت تربع لان بيقلك في رمضان إبليس بيتكتف فلسه مش عارف هل
ممكن سياسة تلت تربع في قلة الأدب ممكن تتغير في رمضان ولا سوف يبقي الحال
علي ما هو عليه .. يلا كل سنة وانتم طيبين مرة تالته .. |
|
|
| |
|
|
|
تعليقات
عدد التعليقات المضافة 0 (قول رايك)