 |
 |
 |
|
|
|
 |
العشرين |
 |
8 سبتمبر 2007 |
|
 |
اوقات أفوق و يحل عني غبـــــــــــايـا
واشعر كأني فهمت كل الخبـايــــــــــا
و افتح شفايفي علشـــــان اقول الـدرر
ما أقولش غير حبة غزل في الصبايـــا |
 |
|
|
 |
 |
|
| |
| دليفري |
بحلم ببكرة يكون
أكثر إشراقا واني يكون معايا ملايين من الجنيهات.
ويكون عندي مجموعة شركات وتكون مجموعة عالمية.
وعايز أتجوز ملكة جمال مصر .. وعايز وعايز وعايز يعنى من الأخر عايز كل
حاجة في الدنيا .
دا الكلام اللي كل الشباب بتقوله وهى قاعدة على القهوة .. عايزة كل حاجة
تجيلها لحد عندها لكن يا خسارة مفيش دليفرى لتوصيل الأحلام إلا إذا كنت أنت
اللي هتوصل الأحلام لحد عندك.
كل شيء ممكن يعنى ممكن تبقى عندك كل حاجة بتحلم بيها بس لازم تتحرك وتقوم
من على القهوة وتشوف أول خطوة المفروض تبدأ بيها ومتسوفش وتقول طيب لما
اخلص القعدة دي لا المفروض تشوف حلمك وتبدأ فيه من أول دلوقتي.
ومفيش حاجة اسمها أنا معنديش حلم .. لأنك في الحالة دي مش هترتقي لصفة
الإنسان اللي بيفكر لمستقبلة وهتبقى ساعتها بتفكر في دلوقتي يعنى ازاي تعيش
اللحظة ودا اكبر غلط لأنك المفروض تفكر بعد اللحظة دي هيبقي موقفك أية في
الحياة وموقعك أية من الإعراب.
وهناك مقولة عربية تنشر كحديث عن النبي صلي الله
عليه وسلم ولكنه غير صحيح ,مهما كان صحة المقولة فهي تقول "اعمل
لدنياك كأنك تعيش أبداً واعمل لآخرتك كأنك تموت غداً".
يعنى المفروض نفكر في بكرة وشكله ومنقولش إن الحاجات دي بتاعت ربنا لان
ربنا خلقنا وأدانا عقل عشان نفكر بية وإلا مكناش وصلنا للتقدم اللي أحنا
عايشين فيه لان كل واحد هيفكر في لحظته وملوش دعوة بغيرة وفى الأخر هقول لي
وليكم
"احلم وأمشى في طريق يوصلك لحلمك ومتستناش الدليفرى". |
|
|
| |
| |
|
|
|
تعليقات
عدد التعليقات المضافة 0 (قول رايك)